INLEIDING
Onlangs, tydens die afgelope paar maande, het ons almal ‘n belewenis deurgaan wat heeltemaal sonder presedent was. As gevolg van die Corona-virus pandemie, was ons almal ingeperk in ons huise en moes ons ons lewens heeltemaal aanpas by nuwe ritmes en reels. Vir sommige mense was die hele ervaring, n marteling maar vir ander was dit ‘n reis van self-eksplorasie en ontdekking. Jy word genooi om te besin oor lesse wat jy geleer het tydens die COVID-19 inperkingstyd. Het jy ontdek dat jy nuwe talente of gawes besit? Dalk het jy houdings en gesindhede gekonfronteer wat jy graag wil vermy of van ontslae wil raak! Miskien het jy besef wie en wat is werklik belangrik in jou lewe. Miskien het jy tot nuwe insigte gekom. Dalk het jy goeie en slegte lesse geleer. Vertel jou lesers wat jy geleer het, hoe jy dit geleer het en watter verskil dit nou in jou lewe maak.
OPDRAG
Skryf ‘n opstel van 250-350 woorde oor die onderwerp: Lesse wat ek tydens die inperking geleer het.
Onthou hierdie is veronderstel om ‘n besinninde opstel te wees en nie ‘n verhalende of beskrywende stuk nie. Probeer om met eerlikheid en insig jou gedagtes vas te vang.
PROSES
- Beplanning
Hierdie gedeelte moet jy in jou eie tyd aanpak. Jou beplanning behoort nie meer as een A4 bladsy op te neem nie en kan ‘n diagram, ‘n breinkaart, of ‘n kort skema wees. Dit moet meestal uit sleutelwoorde of frases bestaan (nie volsinne nie) en behoort geen Engelse woorde te bevat nie. Jy mag slegs jou beplanningsblad na die klas toe bring wanneer jy die eerste poging skryf.
- Skryf van eerste poging
Jy moet die eerste poging in die klas skryf sonder die onderwyser se hulp. Jy mag egter jou beplanningsblad, ‘n woordebook en taalnotas gebruik terwyl jy skryf. Aan die einde van die lesuur moet jy die eerste poging inhandig en die onderwyser sal dit redigeer (maar nie nasien nie) foute sal aangedui word met verwysing na ‘n nasienkode. Dit sal dan aan jou teruggehandig word voor die finale skryfles.
- Herskryf van finale poging
Die finale herskrywing moet in die klas plaasvind. Jy mag weereens gebruik maak van ‘n woordeboek of taalnotas. Die onderwyser sal aan jou geen hulp verleen tydens hierdie fase nie. Aan die einde van die lesuur word die opstel ingehandig vir assesseering. Jou voorlopige pogings en beplanning moet saam aangeheg word by die finale inhandiging.
NASIENKODE
| Simbool | Betekenis | Aksie |
| lt | Leesteken | Korrigeer die leesteken |
| wu | Woord(e) uitgelaat | Daar ontbreek ‘n woord of woorde |
| wo | Woordorde | Woorde in verkeerde woordorde; kontroleer volgens STOMPI-reël |
| tyd | Verkeerde tyd van werkwoord | Wees konsekwent met tyd van die werkwoord. |
| wk | Woordkeuse | Verkeerde woord vir beoogde betekenis raadpleeg woordeboek |
| sp | Spelfout | Raadpleeg woordeboek of spelreëls |
| ns/ np | Nuwe sin/ paragraaf | Begin ‘n nuwe sin of paragraaf |
| bo | Betekenis onduidelik | Herformuleer die sin en gebruik ‘n woordeboek om die sin meer dudielik te stel |
DATUMS
Elke klas se datums sal deur jou onderwyser voorsien word volgens jou klasrooster.